Intezaar!!!!

Hiiiiiiiiiiiii Wish u all a very Happy New Year...God Bless u all ....waise to badalne ko kuch bhi nahi badla hai sirf date ko chhodkar....anyways today I m in a different mood aaj koi masti nahi hogi aaj kuch different hoga...I know everybody hates waiting for somebody or something...me too....but some interesting people love to wait for loved ones....



Bistar ki salavate keh rahi hai baichaini ki kahaani

Takiye ki nami se lagataa hai ki raat bhar roti rahi deewani

Tanhaa raatein, tanhaa jeevan, chaaro or tanhaai

Ulajhi late, takati aankhe keh rahi vyathaa ki gaharaai

Teen mahine pehale shaayad thodi si muskaraayi thi

Jab padosi ki chitthi galati se iske ghar chali aayi thi

Haalaanki lifaafe par pataa dekhte hi muskaraahat ud gayi thi

Par chitthi ke intezaar me uske baad wo kuch din sahi thi

Din bhar aangan me baith kar sadak ko takate rehanaa

Aur raat bhar aankho se aansuon ko bahate rehanaa

Agar kabhi neend lag jaaye to achaanak ghabaraa ke uth jaanaa

Aur daud kar khidakii se baahar sadak ko dekh kar aanaa

Yun to is sansaar me kisi ko bhi jeete-jii chain nahin aataa

Par kaash ki is sansaar me kisiko ye intezaar nahin sataataa

Patthar ki sadak ko takate takate aankhe patharaa jaaye

Aisaa intezaar kisiki zindagi me naa aaye!!!!!